we zijn hier in 't hotel al van zaterdag, moeke direct den laptop aangesloten,maar alle 5 seconden eraf!!!ze was voor zot te worden, ge kunt da peinzen!Gisteren ook nog geprobeerd maar niets en kijk nu ik laad de fotokes op de memorystick en voila al 10 minuten bereik. dus nu rap een briefke hé.
Gisteren naar de Kerk van Saint Anne de-beaupré gaan kijken, prachtig!!! nooit zo iets gezien, prachtige mozaiek.
Vandaag naar Quebec gereden en daar een koetstocht gemaakt maar halverwege waren de batterijtjes leeg en de reserve lagen in de auto. Dan nog wat rondgewandeld en eten gaan zoeken, maar alhoewel het er erg toeristisch is waren er veel restaurants gesloten tot 17u. gelukkig een fijn Italiaans restaurant gevonden en daar lekker gegeten. We waren zo moe dat we nu om 17.30 al in ons kamer zijn alwaar ik er zere van profiteer om jullie een beetje op de hoogte te houden en dan straks naar Kimmeke te kijken, hopelijk doet ze het zo goed als gisteren! Moeke wou toch zo graag kijken dus maar gezegd dat het goed was en vandaag dus pas Quebec gedaan!Morgen proberen we the thousand Islands te gaan bekijken alvorens we woensdag naar The Niagara te gaan kijken!
Dit was het voor vandaag, Moeke zal misschien straks ( als het nog) ook nog een briefke plegen. Dikke knuffels voor jullie allemaal die de blog volgenXXXXX
5 opmerkingen:
Hallo hallo, leuk opnieuw nieuws te hebben van jullie. Hier gaan de dingen hun gangetje. Wel lastige week want Frits en ik zien elkaar niet meer tot vrijdag. :-s
Dikke knuffels!
Lieve allebei,
Een dikke knuffel vanuit Almere van Opa Duvel en Marjan en geniet!!! Wij hebben jullie adres gekregen van ons Sofieke en gelezen wat jullie tot nu toe hebben beleefd. We blijven jullie volgen. Veel liefs, XXXXXXXXXX
Ah were internet!! lieve zus ge zult op eu penkers geluupe hin peisek !!!
Kijk nog ne kier noar al de reacties op de 2° dag, kè eu doar iets gevroagd ivm diamond games antw. dus loat ier ne kier eu antwoord kennen toens kan ne kier belle veur ploatse woar.
Alé dujardin, goadet nuuit nie liere nie ! ge MOET ALTIJD reserve batterien meepakke en bij eu ijwe woar, want anders keund eu een bien uitvloeke veur al wa dadde gezien et en nie kan trekke...en ge kiert neu uuk nie direkt were woar..... pijster dus de volgende kier op hin tsoele !!
Vandenavend were kimmeke dus allicht goade gulder mss uuk volge, we moeme toch tuupe duime en trekke woar.
Kzal van denavend nog ne kier kijke of dade al gereageert et.
Nue ziere iets anders doen, dus tot loater hin dikke toes xxx
YES ! kimmeke were derdeure joepie.
De volgende tegestander zal allcht ne williams zijn (kebeginne nue al zenuwachtig te zijn) doar goame ZEKERS tuupe moete noar kijke veur eur telpe woar, dus ge weet wa da eu te doen stoat toens trekke, trekke, trekke en duime. Oade nog een kirke tegekomt, steekt moar een kiske an veur kimmeke. Mens da zoe wa zijn hin, dus positieve vibes sture.
Allichte stelde tot vrie goe en doar twijfelk nie an, ulder ieste GRUUTE reize dat zal ulder bij blijve en wie weet allichte smoaket noar mier.....
Ge zit vaneiges wel in een schuun land en vrie vele te zien. Hopelijk edde tijd veur tussen de eilande te voare, tes zu schuune en rustig. Edde in Quebec toens kachinka puppe gevoende?
En toens noar de niagara, zekers ne kier mee de helikopter goan, vergeet dadde benijt zijt, duurt nie zu lange en ge goat nogal keune trekke (oasde alles bij eu et natuurlijk) of anders der ne kier in voare mee "the maid of the mist" nie pijze...doen. Moar ge goat richtenge usa oasde naar de niagara goat, ge goat toens een stukske moete were kiere alhoewel dak nie wete woar dadde allemoal noar toe wilt want ge zit nog nie an uldere nelft dus get allicht nog vele te bekijke.
Alé kijw ulder wel in de goate en kzal wel zien woar dadde vuurt noartoe goat....tenminste oasde op internet keunt.
Toch vrie komiek want Heidi é doar nuut probleme mee had, moar ja zij bleef ter ploatse woar.
Zij veurzichtig en profiteert ervan.
lovejoe xxxxxx
Elabatjes, M&M (alias S & AK),
Kzie oan de fotos dadet ginder alletwiee goe stelt. Allé, tes wel spijtig dater just moar fotos zijn van Moniquesken hin. De batterietses woaren hulzekers plat :).
Alles goat ier zijne gank, de scholle es goe begost, en veur de reste ester nog nie vele veranderd (uuk nog geen ander wirk, nienok). Moar we doemons beste...
Tes ier wel stilleke nevenst de deure, moarja, we goan neu en toens ne kier een sigarke smuuren... En den vuilen boel van da fiestse es al opgekuist, ge ziet er niet niemier van, just wa vuile plekken op de muur :):):) Tes nie woar gij ! Kben moar wa me ulder kl... oant rammelen... Ge zit toch altijd op mijn kappe oas mant koarten zijn !
Allé, van den moment dade vanalles op den Blog keunt zetten: doen hin, want ezuu lange zonder iet of wa lezen of zien es slecht veur mijn herte !
Tot loaters hin en profeteerter moar van hin.
Alletwiee drei dikke toezen van ulderen gebuur Krullebolleke
Een reactie posten